Skip to main content

Миний блогоор зочилсон

ХҮҮХДИЙН БАЯРЫН БЭЛЭГ

Image
Нийтлэлч



Юун түрүүнд хүүхдийн баярын мэндийг бүх хүмүүст хүргэе. 

 Жил бүрийн 6 сарын нэгэн болохоор л хүүхдүүд төдийгүй томчууд догдолдог. Яаж баярлах вэ? гэхээсээ илүү хэн надаа ямар бэлэг өгөх бол гэсэн хүлээцтэй байдаг. Бэлэг гэдэг жижиг ч бай том ч бай хүүхдүүдэд ижил сэтгэл хөдлөл, баяр баясал авчирдгийг томчууд мэддэг болов уу? Хүүхдийн баяр болж буйтай холбогдуулан өөрийн дурсамжийг хуваалцахыг хичээлээ.
Хүүхэд байх үеийн хүүхдийн баярын бэлэг  
Би багадаа нээх гоё гялгар уутанд боосон чихэр печень, ундаатай бэлэг авахыг хүсдэг байж билээ. Гэхдээ хүүхэд байхад минь гэрийнхэн маань тийм бэлэг өгөөгүй юм. Аав, ээж маань дандаа шинэ хувцас авч өгдөг байсан. Шинэ хувцас гэдэг нь маш сайхан шугам гаргаж индүүдсэн подуволк, шоорт, малгай, сандаал байдаг байсан. Шинэ хувцас гэдэг надад маш том бэлэг. Яагаад гэвэл шинэ хувцсыг зөвхөн 9 сарын 1 эхлэхээс долоо хоногийн өмнө л авдаг байсан санагдаж байна.  Заримдаа хамаатны ах, эгч нар зайрмаг өгөхөд магнай хагартлаа баярладаг байж билээ. Харин миний эмээгийн бэлэг их өвөрмөц. Юу вэ гэвэл аяга дүүрэн сахар. Сахаранд ямар учир байсныг мэдэхгүй ч гол бэлэг нь аяга байсан байх л даа. Тэр аягыг нь нэг жилдээ л хэрэглэнэ. Сахарны учир нь аяга хоосон өгдөггүйд байсан байх. Гэхдээ хэзээ нэг өдөр аягаа унагаад л хагалчихдаг. Түүнийг аз авчирлаа гэж өөрөө төсөөлдөг байсан юм. 
Өсвөр насны хүүхдийн баярын бэлэг
Би 16-тайгаасаа эхлээд л ажил хийсэн болохоор миний өсвөр нас, бусад хүүхдийн өсвөр наснаас нэлээн ялгаатай байсан мэт санагддаг. Хүүхдийн баярын бэлэг 15-тайгаасаа хойш аваагүй байх. Эсвэл бэлэн мөнгө өгсөн болохоор би санадаггүй байх. Нөгөө багадаа мөрөөдөж байсан ууттай бэлгээ дэлгүүрээс өөрөө худалдаж авсан юм. Үнэтэй бэлэг дотор миний хүүхэд байхад иддэг байсан зүйлс байдаггүй байсан тул хямдхан бэлэгнээс нь нэгийг бас хамгийн үнэтэйгээс нь нэгийг авч хэнд ч хуваалцахгүй идсэн нь хамгийн том хүүхдийн баярын бэлэг байсан юм. 

Ээж аавуудаа хүүхдэд мөнгө чухал гэж бодоод бэлэн мөнгө өгөхөөр төлөвлөсөн юм биш биз. Хүүхэд чинь мөнгийг нь авъя гэсэн ч боодолтой бэлэг заавал авч өгөөрэй. 



Comments

Post a Comment

Popular posts from this blog

“ӨНӨӨГИЙН НИЙГЭМД ХАМГИЙН ТУЛГАМДСАН АСУУДАЛ, МИНИЙ НҮДЭЭР...”

Нийтлэлч
Өнөөгийн нийгэмд хамгийн тулгамдсан асуудал юу вэ? гэвэл би “Бидний эрүүл мэнд” л гэж хэлэх байх. Ялангуяа хүүхдийн эрүүл мэнд. Бидний дүү нар эрүүл төрөхийн тулд авилгалын хэрэгт холбогдож байна. Миний эгч гурван жилийн өмнө төрж, би дүүтэй болсон. Эрүүл төрөхийн тулд эмч нарт гарын бэлэг, бэлэн мөнгө өгсөн. Миний эгчтэй адил эрүүл төрөхийн тулд эмч нарт хандив ч гэх үү, гарын бэлэг ч гэх үү, авилгалын шинжтэй зүйлийг ээж нар одоог хүртэл өгсөөр л байдаг. Хэрэв өгөхгүй бол төрөхийн хүндрэл үүснэ хэмээн айж байгаа нь эрүүл мэндийн салбар ямар аюултай байгааг харуулж байна. Энэ жил манай дүү 3 настай бөгөөд цэцэрлэгт сурдаг. Миний дүү болоод миний гэр бүл жил бүр ханиадаар өвчилдөг. Гэхдээ үүнийг хүн бүр байдаг л зүйл мэт харсаар байгаад би айж байна. Эмнэлэгт очиход хүчтэй антибиотик буюу ханиадны эмийг хүн бүрт бичиж өгнө. Гэхдээ энэ эмнээс хэдэн жилийн өмнө надад харшил өгч эмнэлэгт хэвтэж байсан юм. Одоо хурц амттай хоол, хурц үнэр болон амокцлины найрлагатай бүх эмнээс хүнд ...
Post a Comment
Үргэлжлүүлж унших »

"ҮЗЭХИЙН ХЯЗГААР" номын онцлох ишлэлүүд

Нийтлэлч
Л.Өлзийтөгстэй танилцсан нь:  Л.Өлтийтөгсийг 2016 оны 12 сарын сүүл хүртэл шүлгүүдийг нь битгий хэл, зохиолчийн нэрийг нь ч мэддэггүй байлаа. Миний анхны ярилцлага намайг түүнтэй танилцуулсан юм. Түүнтэй гэдэг нь түүний нэртэй. Анхны ярилцлагадаа маш эрдэм мэдлэг, ажлын туршлагатай хүнийг оролцуулсан тул сайн ярилцлагыг өөрийн блогтоо хэвлэх гэсэн эрмэлзэл тун их байлаа. Яруу найрагч, сэтгүүлч, миний хамгийн сайн эгч С.Бэрцэцэг өөрийн шүлгийн анхны номыг хэвлэхээс өмнө тэрхүү ярилцлагыг минь редокторлаж, баярласан сэтгэлдээ түүнд Л.Өлзийтөгсийн “Тэнгэрт ургадаг модод” хэмээх шүлгийн номыг бэлэглэсэн. Ингэж л яруу найрагчийн нэр болон цөөн хэдэн шүлгүүд, бичвэрүүдтэй нь танилцсан юм. Дараагийн түүнтэй илүү их дотносох болсон сэдэл бол түүний “Нүдний шилэнд үлдсэн зургууд” номын “Сохор” өгүүллэг байсан.     “Үзэхийн хязгаар” номыг унших болсон сэдэл Би ямар нэгэн номыг бүтнээр нь уншихын тулд төрөх гэж буй эмэгтэй шиг дуншиж дуншиж л уншдаг гэхэд болно. Л.Өлзийтө...
Post a Comment
Үргэлжлүүлж унших »

"ТООМЖИРГҮЙ АМЬДРАХ БЯЦХАН УРЛАГ" номын тэмдэглэл

Нийтлэлч
Номын зохиолч:  "Марк Мэнсон"  Номын нэр:  "Тоомжиргүй амьдрах бяцхан урлаг" Ө өрийн блогт нийтлэл гэхээс илүүтэй номын тэмдэглэл л сүүлийн үед оруулж байна. Учир нь оюутан болоод ганц сурж буй зүйл нь ном унших. Сайн гэх үнэлгээг өөртөө өгмөөр байна. 7 хоногт ядаж нэг ч гэсэн нүүр ном уншиж байна гэдэг нь миний хувьд ололттой тал санагддаг. Гэхдээ одоо өдөрт ядаж 5 хуудсыг эрхэмлэж байна. Арван жил, коллежид нэг номыг бүтэн унших байтугай эхлүүлж ч байгаагүй. Тэгэх шаардлага ч байгаагүй биз. Энэ миний буруу биш шүү. Багш нар унш гэж хэлээгүй юм чинь. Сүүлийн 2 жил номыг удаан хэдий ч чанартай уншихад суралцаж байна. Энэ удаагийн миний сонгосон ном бол Марк Мэнсоны "Тоомжиргүй Амьдрах Бяцхан Урлаг". Энэ номыг унших болсон шалтгаан гэвэл миний төрсөн өдрөөр ноднин 2 сарын турш хамтран ажилласан хамтрагч болох Мандалмаа эгч маань бэлэглэсэн юм. Хүнээс ном бэлгэнд авчхаад уншихгүй, номын шүүгээндээ хадгална гэдэг чинь бүдүүлэг хэрэг биз дээ. Тиймээ...
4 comments
Үргэлжлүүлж унших »