PC ТОГЛООМЫН ГАЗАР БИДЭНД ХЭРЭГТЭЙ ЮУ?

Монгол улсыг сүүлийн үед гадны улс орнууд залуусын хот гэх болжээ. Учир нь монгол улсын 75 орчим хувийг хүүхэд, залуус эзэлдэг хэмээн үндэсний статистикийн газраас гаргасан мэдээлэл байдаг юм. Үүнээс 48%-ийг хүүхэд буюу 0-18 насныхан эзэлдэг. Энэхүү тоон үзүүлэлтээс үзвэл ихэнх хувийг хөвгүүд багтдаг байна.

Харин өнөөдөр хүүхэд залуус бид ихийг бүтээх, бусдад үнэлэгдэхийн тулд суралцаж байна. Хүүхэд залуусын ихэнх хувь нь сургуульд сурч ажил хөдөлмөр эрхэлдэг. Тэд хичээлээс гадуурх маш олон зүйлд хамрагддаг байна. Жишээ нь: зарим залуус өөрсдийн сэтгэл итгэл оюунаараа нэгдэж клуб болон төрийн бус байгууллага зэргийг ажлуулан нэгдэцгээдэг.

Гэхдээ зарим нэгэн өөрсдийн ирээдүйд санаа тавьдаггүй, зөвхөн одоог аль эсвэл хэсэгхэн хормын дараахийг харан амьдарцгааж байна. Жишээлбэл: PC тоглоомын газарт их хэмжээгээр тоглох, тамхи татах, архи уух зэрэг чөлөөт цагаа боловсон бус өнгөрөөдөг. Энэхүү муу зуршил нь ирээдүйг харанхуйгаар төсөөлөхөд хүргэдэг биз.

Дугаар сургуулийн дунд ангийн хөвгүүдээс “Та PC тоглоом тоголдог уу?” хэмээн асуухад 70 гаруй хувь нь “тоголдог” хэмээн хариулжээ. Үүнээс үзэхэд монголд PC тоглоомын газарт хүүхдүүд ихээр тоглож байгаа нь харагдаж байна.

Ийм байгаагийн шалтгаан нь РС тоглоомын газар монгол улсад их хэмжээгээр үйл ажиллагаа явуулж буй нь харагдаж байна. Нийслэлийн мэдээлэл технологийн газраас хийсэн хамгийн сvvлийн судалгаагаар (2012 он) Улаанбаатар хотод нийт 462 интернэт кафе, PC тоглоомын газар ажилладаг байна. Vvнээс хамгийн олон нь буюу 109 байгууллага нь Баянзvрх дvvрэгт vйл ажиллагаа явуулдаг. Баянголд 95, Сvхбаатарт 63, Сонгинохайрханд 85, Чингэлтэйд 49, Хан-Уулд 34, Багануурт 13, Налайхад 14 зэргээр интернэт, PC тоглоомын газрууд чамгvй их тоогоор тоологдсон байна. Гэхдээ энэхүү тоон үзүүлэлтэд ороогүй маш олон байгууллагууд байгаа юм.

Хүүхэд хулгай хийлээ хэмээн телевиз, радиогоор маш ихээр яригдах болжээ. Энэ нь магадгүй PC тоглоомын газарт тоглох мөнгөгүйгээсээ болж хийдэг биз. Интернэт кафе, РС тоглоомыг ихээр буруутгаж болохгүй нь мэдээж. Зарим сурагчид тэнд хичээлээ хийдэг, эсвэл нэн ядуугаасаа, гэр бүлд нь ямар нэгэн зүйл тохиолдсоноос шалтгаалж хүүхэд залуус тэрхүү газар хонон өнжин тоголцгоодог байна.

Бид эдгээр газруудыг багасгахын тулд шийдвэр гаргах дээд түвшний байгууллагуудад хандан РС тоглоомын газруудыг багасгах, эрүүл ахуйг нь сайжруулж, хяналт тавин, хүүхэд залууст чөлөөт цагаа зөв боловсон өнгөрөөх газрыг ихээр барьж байгуулах хэрэгтэй байна.

Нийтэлсэн: Залуу нийтлэлч клубын сурагч А. Алтанбаяр