ХУУЧИН ОНЫ МЭНД ХҮРГЭЕ

Миний блогийг тухлан уншдаг уншигчиддаа хуучин оны мэнд хүргэе. 

Энэ 2016 он миний хувьд их өөрчлөлтийг авчирлаа. Иргэний Нийгмийн Байгууллагууд болон сайн дурын ажилчдын хувьд маш ачаалалтай он гэхэд болно. Миний бие ч олон үйл ажиллагаануудад оролцож туршлага хуримтлууллаа. Үүний багахан хэсгийг тайлагнахыг хүслээ.

-          2016 оны 1 сард Ражив Гандийн нэрэмжит “Үйлдвэрлэл Урлалын Политехник Коллеж”-ийг “Зочид буудал, жуулчны баазын үйлчилгээний ажилтан” мэргэжлээр 2,5 жилийн турш суралцан онц дүнтэй төгссөн. Миний мэргэжил миний хобби, бизнес, аз жаргал, ирээдүй байх болно гэдэгт итгэж байна.

-          Мэргэжлийн хүрээнд “Шангри-Ла”, “Туушин” зэрэг зочид буудлуудад үйлчилгээний ажилтнаар ажилсан нь надад маш том туршлага болсон бөгөөд наад захын соёлоос эхлээд хувь хүний хөгжлийг минь нэмэгдүүлж чадсан.

-           Миний хобби бол аялах. 2015 оноос эхлэн өөрт байгаа багахан хэмжээний мөнгөөр аялсаар ирсэн. Харин энэ жилийн 7-р сард говиор аялсан боловч шүлхий өвчний улмаас хөл хорио тавих аюултай байсан учир 7 хоног аялан гэртээ ирсэн юм.

-          2016 оны 6 сарын 29 буюу УИХ-ын сонгуулийн үеэр сайн дурын ажиглагч хийсэн. Энэ нь маш чухал ажил байсан бөгөөд олон намын ажиглагчидтай танилцан улс төрийнхний ажилагчдын бодлын талаар ч сонсоод амжсан. Ажиглагчийн хүрээнд “Сонгуулийн тухай хууль”-ийг судалж сонгуулийн үйл явцтай танилцсан учир маш том туршлага болсон

-          - Миний амьдралын хамгийн том алхам бол их сургуульд орох байлаа. Ерөнхий эрдмийн хичээл 2 жил гаруй үзээгүй хүний хувьд энэ нь маш том даваа байсан. Элсэлтийн Ерөнхий Шалгалтандаа ажлынхаа хажуугаар бэлдэж, мөн Японы засгийн газрын тэтгэлэгт зэрэг бэлдсэн. Гэхдээ үүний үр дүнд монголын хамгийн том сургууль болох  Монгол Улсын Их Сургуульд орсон нь миний энэ жилийн хамгийн том үйл байлаа.

-          Олон нийтийн үйл ажиллагаанд оролцсон байдлаас дурдвал Дэмо Крейзи Карнавал, Залуучуудын 2-дугаар чуулган, Тогтвортой хөгжлийн зорилго 2030 хэлэлцүүлэг, Бүх хүүхдийн эрхийн төлөө бичсэн илтгэлийн багийн хүүхдүүдтэй клуб болж, Бодлогод залуусын хяналт ТББ-ын бүхий л үйл ажиллагаануудад оролцлоо.

Энэ он миний хувьд намайг шалгасан хүндхэн цаг хугацаа байлаа. Ном ч уншиж сурлаа. Биеэ зөв авч явах нь хувь соёл хэдий ч өөрийнхөөрөө байх нь надад хамгийн том соёлтой байгаа мэт санагдсан. Энэ оныг мартахгүйн тулд өөрийгөө магтсан ч гэх үү, тайлагнасан ч гэх үү ийм нэгэн бичвэр бичлээ. Ирэх 2017 онд хүн бүр өвчин зовлонгүй, элэг бүтэн, аз жаргалтай байж хүүхэд бүр инээж байх болтугай.

Хүндэтгэсэн: Алтанхуягийн Алтанбаяр