Нийтлэлч А.Алтанбаяр

Биеэ үнэлэлт биш янхандалтын тухай бичлээ. "Гудамжны хүн" цуврал нийтлэлийн маань хоёр дахь хэсэг бол янхандалтын талаар. Биеэ үнэлэлт биш янхандалт. Учир нь би биеэ үнэлдэг. Биеэ, оюунаа хөдөлгөж, мөнгө олдог учраас би биеэ үнэлдэг. Энэ бичвэрийн тухай бодоод яг 3 жил болж байна. 4 зочид буудалд урт хугацаагаар ажилласан хүний хувьд нийгэмд судалгаа шинжилгээ байхгүй ч  ажигласан зүйлээ бичих боломжтой гэж үзлээ. Хаалгач, зөөгч, өрөөний үйлчилгээ, ресепшн, тогооч. Буудлын зочинтой шууд харьцдаг бүх ажлыг хийсэн. За бичээчийн тухайд ийм. Асуудалдаа оръё. Янхан гэж хэн бэ?  Би хэлшинжлэлийн хүн биш учраас өөрийнхөөрөө тайлбарлая. Нэг ёсондоо эр хүнтэй бэлгийн харьцаа буюу секс хийгээд хөлсөнд нь мөнгө авдаг эмэгтэй эсвэл эрэгтэй. Одоохондоо эмэгтэй хүн эрэгтэй хүнийг худалдаж авсан жишээ мэдэхгүй байна. Насны хувьд 15-аас эхлэх байх. Хэн нэгний нэр хүнд, албан байгуулагыг буруутгахгүйн тулд оноосон нэр зоохгүйг хичээе. Хүмүүс Улаанбаатар зочид буудлын урд л янхн...

“Ноён нуруутай” энэ үгийг олон ч удаа сонссон доо. Юу гэж тодорхойлох ёстойг бүү мэд. Гэхдээ л эр хүний бүхий л зан байдлыг агуулсан хүнийг хүмүүс ихэвчлэн ноён нуруутай гэдэг. Ноён нуруу нь хугарахаараа тэд амиа хорлодог. Дэлхийн Эрүүл Мэндийн Байгууллагаас гаргасан судалгаагаар Монголчууд амиа хорлолтоороо  дэлхийд гуравдугаар байранд орсон байдаг . Жилд дунджаар 346 эрэгтэй, 66 эмэгтэй амиа хорло дог бөгөөд эрэгтэйчүүд нь эмэгтэйчүүдээс 5.2 дахин их амиа хорло дог . Өөрөөр хэлбэл нийт амиа хорлосон иргэдийн 84 хувь нь эрчүүд байна гэсэн үг юм . Судаглааг энд дарж үзнэ үү.   Ноён нуруу нь хугарахын өмнө тэд архинд ордог гэсэн таамаглалыг нийтлэлч миний зүгээс тавьж байна. Судалгаа байхгүй, судалъя гэх хүн байхгүй, хүн байсан ч санхүүжүүлэгчгүй, санхүүжүүлсэн ч Монголчууд зөвшөөрөхгүй биз. Монголчууд чинь архичид болсон шүү дээ. Наран мишээсэн намуухан өдөр Намайг чамтай учруулсан Цэвэрхэн хотын гудамж талбайд Хүмүүс бүхэн жаргалтай Madness хамтлагийн “Хотын г...

Цэцэг жимсэнд бялхсан өдөр өнөөдрөөр дуусах байх. Агуу хайрын бэлэгдэл болох гал улаан сарнай барьсан охидын царай хотын гудамжаар харагдана. Тэдний хацар сарнай шигээ улаа бутрах ч зарим охидын хувьд үгүй. Зарим гэх тодотголын цаана баярлуулах найз залуу нөхөргүй ч, инээлгэх үр хүүхэдтэй охид бий. Охид гэдэгт 15-24 насныхныг авч үзье. Яг сарын өмнө Монгол түмний төдийгүй Азийн уламжлалт баяр болох цагаан сар болж хүн бүр л таньдаг, таньдаггүй хүмүүстэй уулзаж, олон хүнд үнсүүлсэн байх. Тэр үед нэг хуучны найзтайгаа таараад цөөхөн хэдэн минутанд олон сэдвийн талаар ярилцаж амжлаа. Бидний найзууд сайн гэнэ. Ажилд ороод орлоготой болсон сурагтай. Харин тэр найз маань хараахан ажилгүй. Хэлэх үг бүрийнхээ араас “Амьдрах гэж ядаж байна шүү дээ” гэнэ. Би ч бүдүүн баараг зантайгаараа “Ажил хийхгүй бас хайхгүй, сургуульд сурахгүй, хөдөлмөрийн биржид ажилгүй гэж бүртгүүлэхгүй хүнд наад үг чинь ахдана” гээд хэлээд л хаялаа. Яриаг нь сонсох бүрт л энд ч ингэж шоудсан, тэнд ч ингэж уусан ...

Номын зохиогч: Инамори Казүо Номын тэмдэглэл бичсэн: Алтанхуягийн Алтанбаяр НЭГДҮГЭЭР БҮЛЭГ. АМЬДРАЛДАА АМЖИЛТ ГАРГАХЫН ТУЛД Амьдрал бол тэр чигтээ жүжиг. Тэр жүжиг нь заримдаа драмын, уянгын, романтик, инээдмийн заримдаа бүр гунигийн жүжиг болдог. Амьдрал хэмээх жүжигт хүн бүр өөрсдөө гол дүр нь. Гол дүр нь зохиолоо бичдэг. Зохиолын гол дүрийн баатрыг амжилтад хүргэх, зовлонг үзүүлэх нь зохиолчийн л дурын асуудал. Мэдээж амжилттай сайн зохиол бичиж сурахын тулд эрдэм мэдлэг, тодорхой хэд хэдэн зорилго, бас логик дэс дараалал хэрэгтэй. Эрдэм мэдлэгийг ахмадаасаа сонсохыг сургадаг. “Ахын сургаал алт, эгчийн сургаал эрдэм”, “Ах нь сургадаг, дүү нь сонсдог” гэлцдэг.    Тиймээс тэдний үг бүр нь залуу хүний хувьд луужин нь болно гэсэн үг. Мөн ямар ч шинжлэх ухаан, урлаг соёл, тэр байтугай жүжигт ч томъёолол чухал. Амьдралдын үр дүнгийн томъёо бол: Амьдралын үр дүн = Үзэл хандлага Х Гал эрмэлзэл Х Чадвар Энэ нь мэдээж намээгүйг анзаарах хэрэгтэй. Нэмэх үйл...

Дорноговь аймаг, Зүүнбаян сум Цэрэгт явснаас амиа хорлох нь хавьгүй дээр сонголт. Миний энэ зүйрлэлийг уншаад зэвүү, дургүй хоёр нь зэрэг хөдлөх хүмүүс олон. Цэргийн алба бол эр хүний бие бялдрыг тэгш хөгжүүлэх, хүн ёсоор хүмүүжүүлэх тийм л нэр хүндтэй зүйл. Өө энэ өгүүлбэр бас л худлаа юм байна. Зүгээр л ингэж ярих ёстой юм шиг байсан. Харин миний тодорхойлолт бол "Их сургуулиа төгсөхдөө эсвэл орохоосоо өмнө нэг жилийг сохор зоосны цалингүйгээр хүнд дасгал хөдөлгөөн хийж, олон даргын зараалд гүйж, нийгмийн бүтээн байгуулалтад оролцоод дараа нь зодуулснаа эр хүн боллоо гэж дүгнээд, батлах шаардлага гарвал даргадаа зодуулж, эсвэл хүнд дасгалаа даалгүй мажийхыг хэлж байх шиг байна." 21 настай надад нэг удаа цэргийн зарлан ирсэн юм. Би ч оюутан учраас угаасаа явахгүйгээ мэдэж байсан. Явахаар боллоо ч манай гэрийнхэн явуулахгүй нь ойлгомжтой. Учир нь манай аав цагдаа, цэргээр олон жил явсан учраас ямар харгис зүйл хүлээж байгааг мэднэ. ( Ижий минь өнөөдөр хайрлаж өсгөсөн хү...

Дунд Түвшний Макроэкономик Хичээлийн Дагуу Бэлтгэсэн Эсээ Академик эсээ бичих стандартыг баримтлав.  PDF файлаар үзэх бол энд дарна уу. “Би Монгол хүний саруул ухаанд итгэдэг” хэмээн Монголын төр, нийгмийн нэрт зүтгэлтэн, ардчилсан хувьсгалын удирдагч Санжаасүрэнгийн Зориг хэлсэн байдаг. Гэхдээ энэ үг социолизмоос капитализм руу шилжихэд лоозон, уриалга болоогүй ч Монгол хүн бүрийг хийж бүтээхэд одоо ч урам зориг өгдөг гэхэд болно. Ёстой л Богд Хаант Монгол улсын үед хүн бүр үг бүрийг нь цээжилж байсан "Бидний улс эв саналаа нэгтгэн нийтийн хүчийг нийлүүлэн нэгэн зүг зориглон хөдөлбөөс бид үл хүрэх газар үгүй бөгөөд мэдэхгүй, чадахгүй зүйл үгүй болж, амжилтын манлайд хүрэхийг дан ганц бидний сэтгэлийн чин зориг мэднэ" Д.Сүхбаатар ( Эрдэнэбат, 2018-д дурьдсанаар ) хэмээх үгсийг ардчилсан хувьсгалын үеэр зургаахан үгэнд багтаагаад хэлчихсэн хэрэг. Боловсрол эзэмших, хуримтлал үүсгэх, шинэ санаа гарган бизнесээ эхлүүлэх гэх мэт маш олон боломж олгосон ардчилсан нийгэ...